Med ei stadig aukande avvirking på vestlandet og storparten blir eksport vart det arrangert skogseminar og debatt der ein såg på mogelegheitene for meir vidareforedling av tømmeret.

Årets Vossamøte vart halden i det store trebygget til Voss Sag og Tradisjonsbygg på Fenno måndag 25. august.

I 2024 vart det avvirka omlag 600.000 m3 med tømmer i Vestland fylke, og det er estimert ei auke på omlag 15-20% dei neste tiåra som kjem. Av tømmeret som vert avvirka er det berre omlag 100.000 m3 som vert vidareforedla lokalt, resten blir sendt ut på eksport. 

I løpet av seminaret formidlar Kjartan Bergsvåg, eigar og grunnleggjar av Voss Sag og Tradisjonsbygg prosessen frå idé til utvikling av sagbruket som i dag skjerer omlag 1.000 m3 i året. Saga på Fenno stod klar i 2013 og har difor vore i bruk i over eitt tiår, med planar om å få på plass både høvleri og tørke innan kort tid. 

Inger Marie Svingeset, dagleg leiar i Norsk Bygdesagforening, haldt foredrag om alle dei 46 bygdesagene i fylket, der mange små bidreg til aukt verdiskaping. Ho kunne fortelje at på 90-talet var det mange mellomstore sagbruk, og trenden syner at det no kjem opp fleire mellomstore sagbruk igjen. Hovudfokuset til desse bygdesagene er ofte spesialvirke. 

Torkel Hofseth, fylkesskogmeisteren i Vestland fekk femten minutt på å snakke om kor viktig det var å halde på verdiane, og sine utrekningar for både investeringskostnadar og avkastning på eit stort sagbruk. For nokre år sidan vart det rekna på eit behov for 1 milliart kroner, men i dag kanskje er på 2 millionar. I sine kalkylar gjekk ein nesten i null etter 30 år, men dette avhenger veldig av tømmerprisane, som markedet bestem. 

Vestland Bondelag stilte med Oddbjørn Bratthole og fortalte engasjert kor viktig skogen er for gardbrukaren i Vestland, og viktigheita med aukt kunnskap og jobben som må gjerast for å få meir skogbruk inn i utdanninga til dagens ungdom. Her henviste han seg til både næringa og fylkeskommunen. Med meir vidareforedling vil det bli eit meir aktivt fagmiljø som gjer at kunnskapen forblir i regionen.

Ole Bakke heldt eit foredrag der Skognæringa Kyst hadde rekna på mellomstort sagbruk på Vestland, og utfordringane er blant anna skaffe stort nok areal, som bør vere ved kai, relativt flatt og godt vegnett (i dag er 80% av det offentlege vegnettet ikkje godtkjent for rasjonell tømmertransport). Det kom ei klar oppmoding til politikarane om å auke tilskotsmidlane til skogsbilvegbygging og øyremerke midlar til utbetring av flaskehalsar på det offentlege vegnettet.

Skogdebatt

Under debatten deltok dei 6 største partia i Vestland fylke for å debattere skogpolitikk. Her kom ein innpå viktigheita med planting, rekruttering, skogsbilveg, offentleg vegnett og industri. Alle partia var einige i at ein ynskjer vidareforedling av tømmer på vestlandet, og dei skulle også ta med seg dei gode poenga som vart nemnt.