Tag Archive for: kappedag

Kappedagar vinteren 2022

Sogn og Fjordane Skogselskap arrangerer kappedagar for skogeigarar som planlegger å hogge og levere tømmer denne vinteren. På ein slik kappedag går me gjennom kvalitetskrav for dei ulike sortimenta (som skurslip/sagtømmer og slip/massevirke). Det blir også gått gjennom litt om tømmerprisar, og andre tema som er relevant ved hogst av eigen skog. Det er fullt mogeleg å stille spørsmål.

Ynskjer du/de at me arrangerer ein kappedag i ditt distrikt (i Vestland fylke). Ta kontakt med ruben@skogselskapet.no

Det blir servert bålkaffi og enkel matservering (pølser eller liknande).

Lista vil oppdatere seg kontinuerlig.

Dato Klokka Stad Kommune
06.jan 10.00 Simosetevegen Luster
7.jan 13.00 Utvik (oppmøte Klypevegen på Valaker) Stryn
10.jan 10.00 Skilta frå Reedkroa og opp Bakkane Gloppen
11.jan 10.00 Hjalmalandsvegen 343, Nordfjordeid Eid
12.jan 10.00 Fjærlandsvegen, ca 500m frå Tyldebrui i retning Fjærland Sogndal
13.jan 10.00 Hopperstadvegen Vik
14.jan 10.00 Brulandsvegen 382, Førde Sunnfjord
21.jan 10.00 Kårstad i Bygstad (Gaular) Sunnfjord
24.jan 10.00 Midttundalen, blir skilta til oppmøteplass Gulen
26.jan 10.00 Torpevegen, Øystese Kvam
27.jan 10.00 ved kraftverket ved Vangjolo, sørsida av Vangsvatnet Voss
31.jan 10.00 Hovlandsvegen 135, Vik i Sogn Vik
12.mars 10.00 Fensfjordvegen 933, 5986 Hosteland Masfjorden

 

Perfekte forhold for hogst vinteren 2021

Været har halde seg tørt og kaldt gjennom heile januar månad, og værutsiktene ser lovande ut i februar også. Det har til og med vore solide kuldegrader langt ute på kysten i januar/februar så langt. Dette gir perfekte forhold for skogsarbeid, noko me ser på deltakartala på skogdagane våre. 

Det har vore så bra deltaking, at Kystskogbruket har skreve ei nettsak om både kursinga og værforholda på deira nettsider (link). Og når interessa er så stor, så må me berre fortsetta med den gode jobben med å tilby skogeigarane kurs og informasjon om alt som har med skog å gjere. I januar har me send ut informasjonsbrev til medlemmane våre (er du ikkje medlem kan du bli det her!)

Skogdag i Fjaler 1.februar. Foto: Arnt Laukeland

 

No er me i planlegginsfasen av å arrangere fleire skogdagar i Hordaland-regionen. Korte Kurs prosjektet er delfinansiert av Vestland Fylkeskommune, og då skal me tilby kurs i heile Vestland fylke. Om det er interesse for skogdag/kurs i tømmerkapping, skogfond, introduksjonskurs for nye skogeigarar eller andre tema, send oss ein mail til: ruben @ skogselskapet.no, så ser me kva me får til på Vestlandet. Oversikt over planlagte skogdagar finn du her: https://skogselskapet.no/skogdagar-i-sogn-og-fjordane/

Foto: Dag E. Bøtun